Monday, June 25, 2012
Unknown
பெற்றோரே பிச்சை எடுக்க வைத்த பத்து வயது சிறுவன் மீட்கப்பட்டு சைல்டு லைன் அமைப்பு மூலம் காப்பகத்தில் ஒப்படைக்கப்பட்டார். நாகர்கோவில் வடசேரி பஸ்ஸ்டாண்டில் பத்து வயது சிறுவன் பிச்சை எடுப்பதை பார்த்த சில பயணிகள் போலீசாருக்கு தகவல் தெரிவித்தனர். போலீசார் அந்த சிறுவனை மீட்டு போலீஸ் ஸ்டேஷனுக்கு கொண்டு வந்தனர். அவனிடம் நடத்தப்பட்ட விசாரணையில் சிறுவனின் பெயர் அய்யப்பன் (10) என்பதும், தந்தை பெயர் மணிகண்டன் , வெள்ளமடத்தை சேர்ந்தவர் என்பதும் தெரியவந்தது. தனக்கு படிக்க ஆர்வம் இருப்பதாகவும், ஆனால் பெற்றோரே என்னை பிச்சை எடுக்க அனுப்பியதாகவும் போலீசிடம் சிறுவன் தெரிவித்தான். இதை தொடர்ந்து சைல்டு லைன் அமைப்பு மூலம் நெல்லை குழந்தைகள் காப்பகத்துக்கு அனுப்பி வைக்கப்பட்டான். சிறுவனின் பெற்றோர் தலைமறைவாகி விட்டனர்.
