இதுகுறித்து தொலைக்காட்சி ஒன்றுக்கு அவர் அளித்த பேட்டியில், இதுவரை எந்தத் தேர்தலிலும் நான் தோற்றதில்லை. இன்னும் சொல்லப்போனால் இதுவரை நான் போட்டியிட்ட தேர்தல்களில் ஒவ்வொரு தேர்தலிலும் என்னுடைய வெற்றி வித்தியாசம் கூடித்தான் வந்துள்ளது எனத் தெரிவித்தார்.
போட்டி இருக்க வேண்டும் என்ற அடையாளத்துக்காகத்தான் போட்டியிடுகிறீர்களா என்று கேட்டபோது, இது வெறும் அடையாளப் போட்டி அல்ல. தீவிரமான போட்டி. குடியரசுத் தலைவர் தேர்தலை அடையாளத் தேர்தலாக கருத முடியாது. இது கடுமையானது. தேசிய ஜனநாயகக் கூட்டணி மற்றும் இதர கட்சிகளில் ஏற்பட்டுள்ள பிளவின் மூலம் இது கடுமையான தேர்தல் என்பதைத் தெரிந்துகொள்ளலாம் என சங்மா தெரிவித்தார்.
இந்த தேர்தலில் ரகசிய வாக்கெடுப்பு நடைபெற உள்ளது. எனவே இப்போதே எண்ணிக்கை விவரங்கள் குறித்த கேள்வியை எழுப்ப முடியாது. மனசாட்சிப்படி விழும் வாக்குகளில் நான் நம்பிக்கை வைத்துள்ளேன் என சங்மா தெரிவித்தார்.
மேலும் மமதா பானர்ஜியும் எனக்கு ஆதரவளிப்பார் என்று நம்பிக்கை உள்ளது என்றார் அவர்.
