Thursday, June 28, 2012
Unknown
மேட்டூர்:ஜனாதிபதி தேர்தலில் போட்டியிட வேட்புமனு தாக்கல் செய்த மேட்டூரை சேர்ந்த தேர்தல் மன்னன் பத்மராஜன், வழிமொழிவோருக்கு வழியின்றி தவிக்கிறார்.சேலம் மாவட்டம், மேட்டூர் அடுத்த குஞ்சாண்டியூரை சேர்ந்தவர் தேர்தல் மன்னன் பத்மராஜன் (55). பாராளுமன்ற தேர்தல் முதல் உள்ளூர் கூட்டுறவு சங்க தேர்தல் வரை அனைத்து தேர்தலிலும் போட்டியிட பத்மராஜன் மனுதாக்கல் செய்வது வழக்கம். ஜனாதிபதி தேர்தல், லோக்சபா, ராஜ்யசபா தேர்தல், தமிழ்நாடு, கர்நாடகா, கேரளா, ஆந்திரா, பீகார் உள்பட பல்வேறு மாநில சட்டசபை தேர்தலில் போட்டியிட இதுவரை, 133 முறை வேட்பு மனுதாக்கல் செய்துள்ளார். இதுவரை மூன்று முறை ஜனாதிபதி தேர்தலில் போட்டியிட வேட்புமனு தாக்கல் செய்துள்ளார் பத்மராஜன்.வரும் ஜனாதிபதி தேர்தலில் போட்டியிடுவதற்காக, கடந்த 22ம் தேதி வேட்புமனு தாக்கல் செய்துள்ள பத்மராஜன், முன்மொழிவோர், வழிமொழிவோர் இல்லாததால் தவிக்கிறார்.
