பட்ஜெட் உரையில் கூறியுள்ளதாவது:
சுதானா நகர் மற்றும் அதைச் சுற்றியுள்ள பகுதிகளில் குடிநீர் வழங்கும் பணியை ரூ.34.56 கோடியில் மேம்படுத்த திட்டமிடப்பட்டுள்ளது. ஏரிகள் சீரமைப்பு மற்றும் பராமரிப்புப் பணிகள் விவசாய சங்கங்களின் பங்களிப்போடு மீண்டும் செயல்படுத்த திட்டமிடப்பட்டுள்ளது.
மேம்பாலம்
ராஜிவ் சிலை சந்திப்பில் மேம்பாலத்துடன் கூடிய சந்திப்பு சாலைகள் அமைக்க ரூ.48 கோடி மதிப்பீட்டில் திட்ட அறிக்கை தயார் செய்யப்பட்டு, இப் பணியை மத்திய அரசின் சாலைப் போக்குவரத்து மற்றும் நெடுஞ்சாலைத் துறை அமைச்சக நிதியின் கீழ் மேற்கொள்ள திட்டமிடப் பட்டுள்ளது.
காமராஜர் மணிமண்டபத்தில் சிவில் சர்வீஸ் தேர்வுகளுக்கான பயிற்சிமையம் மற்றும் நூலகத்துடன் சென்டாக் அலுவலகம் அமைத்திட, அதன் உள் கட்டமைப்பு மாற்றியமைக்கப்பட்டு, ரூ.42 கோடி செலவில் கட்டுமானப் பணி நடைபெற உள்ளது.
மேற்கு பைபாஸ் சாலை
காரைக்கால் வடக்குப் பகுதியில் 49.95 கோடி ரூபாய் மதிப்பில் குடிநீர் வழங்கல் திட்டத்தை மேற்கொள்ள திட்டமிடப்பட்டுள்ளது. திருநள்ளார் கோவில் மேம்பாட்டுத் திட்டத்தின் கீழ்ரூ.2056 கோடி செலவில் மேற்கு புறவழிச்சாலை அமைக்க திட்டமிடப்பட்டுள்ளது.
மாகியில் செருக்கல்லாயி அம்பலபரம்பா இடையே ரூ.1.54 கோடி செலவில் குடிநீர் குழாய் அமைக்கும் பணி, மாகி கடற்கரை மற்றும் ஆற்றுப் பகுதியை அழகுபடுத்தும் பணியின் மூன்றாம் கட்டப் பணிகள் ரூ.5.67 கோடி செலவில் மேற்கொள்ளப்படுகிறது. ஏனாம் அம்பேத்கர் பாலிடெக்னிக் கல்லூரிக்கு புதிய கட்டடம் கட்ட உத்தேசிக்கப்பட்டுள்ளது.
