ஆறுகள் மற்றும் பொது இடங்கள் உட்பட சுற்றுப்புறங்கள் மாசுபடுவதை தடுப்பதற்கு, கேரள அரசு பதிய சட்ட திருத்தம் கொண்டு வர உள்ளது.அதன்படி பொது இடங்களில் சிறு நீர் கழித்தால், 100 ரூபாய் அபராதமும், இந்த தவறு தொடர்ந்தால், தண்டனை வழங்கவும் முடிவு செய்யப்பட்டுள்ளது. கழிவு நீரை பொது இடங்களில் திறந்து விட்டாலோ, திறந்த வெளியில் கழிவுகளை வீசினாலோ, குறைந்த பட்சம், 10 ஆயிரம் ரூபாய் அபராதம் விதிக்கப்படும்.
கழிப்பறை மற்றும் சிறுநீர் கழிக்க வசதி செய்து கொடுக்காத பள்ளிகளுக்கும் அபராதம் விதிக்கப்படும். வீடுகளில் உள்ள கழிப்பறை கழிவுகளை ஓடைகளில் திறந்து விட்டால், 500 ரூபாயும், குடி நீர் மற்றும் துணி துவைக்கும் கழிவு நீர் போன்றவற்றை பொது இடங்களில் திறந்து விட்டால், 2,500 ரூபாயும், அபராதமாக வசூலிக்கப்படும். ஓட்டல்களில் இருந்து கழிவு நீரை நேரடியாக ஆறுகளில் திறந்து விட்டால், 5,000 ரூபாய் அபராதம் விதிக்கப்படும்.பெண்கள் வேலை செய்யும் நிறுவனங்களில் அவர்களுக்கு தேவையான அடிப்படை வசதிகளை செய்யாவிட்டால், 500 ரூபாயும், அடிப்படை வசதிகள் இல்லாத வீடுகளை வாடகைக்கு கொடுத்தால், 250 ரூபாயும், அபராதமாக வசூலிக்கவும் திட்டமிடப்பட்டுள்ளது.
